ហាងកាហ្វេ៣៦៥

អំពី

ម៉ឺនុយ

ទំនាក់ទំនង

ចំណុចសំខាន់

រូបភាព

16/07/2020

ចង់ផឹកកាហ្វេ មើលថ្ងៃលិច ថតរូបលេង លំហែអារម្មណ៍មែនទេ? មក ៣៦៥ Love coffee មក មិនខ្វះប្លង់ថតរូបទេ។ ហាងកាហ្វេនេះត្រូវបានបង្កើតឡើងដោយគូស្នេហ៍មួយគូកាលពីឆ្នាំ២០១៥ បន្ទាប់ពីស្រលាញ់គ្នាអស់រយៈពេល ១ឆ្នាំ ស្មើនឹង ៣៦៥ថ្ងៃ។ សព្វថ្ងៃហាងកាហ្វេនេះ ត្រូវបានរៀបចំដេគ័រឡើងក្នុងទូកុងតឺន័រដ៏ស្រស់ស្អាត ជាមួយនឹងកន្លែងអង្គុយមានទាំងបែប Indoor និង Outdoor។

សម្រាប់អ្នកចូលចិត្តអង្គុយស្រូបខ្យល់អាកាសធម្មជាតិ អាចជ្រើសរើសកន្លែងអង្គុយបែប Outdoor បាន ព្រោះគេរៀបចំឡើងបែបលក្ខណៈជនបទ មានរុក្ខជាតិបៃតង និងទោងក្រោមដើមឈើ ជាពិសេសខាងហាងកាហ្វេក៏បានរៀបចំកន្លែងអង្គុយនៅផែលើទឹកផងដែរ។ ចង់អង្គុយមើលថ្ងៃលិចអី ដឹងតែត្រូវចិត្តម៉ង់និយាយមែន។

សម្រាប់ភេសជ្ជៈនៅទីនេះវិញ មានច្រើនរសជាតិ ទាំងកាហ្វេ ទាំង Milk tea ញ៉ាំជាមួយនំក្រូសង់ និងនំពងមាន់ដុតថ្មីៗ រសជាតិឆ្ងាញ់។ ទីតាំងស្ថិតនៅតំបន់ទូកទេសចរណ៍ ចម្ងាយពីស្ពានថ្មីប្រហែល ១០០ម៉ែត្រ ក្នុងភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត បើកចាប់ពីម៉ោង ៧ព្រឹកដល់ម៉ោង ៦ៈ៣០ល្ងាច។

អត្ថបទដោយ៖ ដែង សុជាតា