រាល់ពេលអ្នកទៅលេងខេត្តកែប អ្វីដែលអ្នកនឹកដល់មុនគេ គឺឆ្នេរខ្សាច់ដ៏ស្រស់ស្អាតរបស់ខេត្តកែប​ ជាមួយនឹង​ខ្យល់អាកាសបរិសុទ្ធ អមដោយទឹករលកបោកបក់នាំអារម្មណ៍របស់លោកអ្នកអោយភ្លេចអស់ទុក្ខកង្វល់ និងភាពនឿយហត់ទាំងឡាយ។ នៅទីនោះអ្នកអាចមុជទឹកសមុទ្រ​ ថតរូបទុកជាអនុស្សាវរីយ៍ រត់លេងនៅតាមបណ្តោយឆ្នេរខ្សាច់ដ៏ស្រស់ស្អាតលាតសន្ធឹងយ៉ាងវែងអន្លាយ អង្គុយស្តាប់សម្លេងទឹករលក សម្លឹងមើលទឹកសមុទ្រដ៏ឆ្ងាយដាច់កន្ទុយភ្នែក ស្រូបយកខ្យល់អាកាសដ៏បរិសុទ្ធ និងគយគន់សម្រស់ថ្ងៃរៀបលិចពណ៌ក្រហមឆ្អិនឆ្អៅយ៉ាងរីករាយ។ ក្រៅពីនេះអ្នកអាចទទួលទានអាហារដ៏មានរសជាតិឈ្ងុយឆ្ងាញ់​ ជាពិសេសគឺគ្រឿងសមុទ្រស្រស់ៗរួមមានដូចជាក្តាម បង្គា មឹក-ល-។ បើយើងធ្វើដំណើរចេញពីទីរួមខេត្តកំពតតាមផ្លូវជាតិលេខ ៣៣ ប្រហែល២៩នាទី នោះអ្នកនឹងទៅដល់ឆ្នេរកែបតែម្ដង។

អត្ថបទដោយ៖ វុទ្ធី ស្រីនូ

រូបភាព៖ Internet