Cafe Amazon

អំពី

ទំនាក់ទំនង

ចំណុចសំខាន់

រូបភាព

20/08/2020

អ្នកណាមិនល្បី Café Amazon ដែលមានសាខាជាច្រើននៅទីក្រុងភ្នំពេញ តែឥឡូវនេះសម្រាប់ខេត្តកំពត យើងក៏មានហាង Cafe Amazon ដែរមិនអោយចាញ់ខាងភ្នំពេញទេ ហើយមានដល់ទៅ2 សាខាឯណោះ។

សម្រាប់អ្នកដែលចូលចិត្តផឹកកាហ្វេមិនគួររំលងAmazonទេ ព្រោះហាងកាហ្វេនេះគឺទទួលបានការគាំទ្រជាខ្លាំងមិនថាប្រជាជនរស់នៅក្នុងតំបន់ និងអ្នកដែលធ្វើដំណើរមកពីចម្ងាយដើម្បីមកដើរកម្សាន្តនៅក្នុងខេត្តកំពតជាដើម។ ក្រៅពីកាហ្វេ ក៏មានជាប្រភេទតែ និងប្រភេទទឹកផ្លែឈើគ្រប់មុខ រួមទាំងអាហារសម្រន់ជាច្រើនប្រភេទទៀតផងបានបញ្ចូលគ្នានៅក្នុងហាងនេះទាំងមូល។

បើនិយាយពីរចនាបទរបស់ហាងពិតជាប្លែកដែលធ្វើអោយភ្ញៀវដែលមកកាន់ហាងនេះទទួលបានអារម្មណ៍ស្រស់ស្រាយជាប់ទៅនឹងធម្មជាតិព្រោះការតុបតែងបានធ្វើចេញមកមានលក្ខណៈពណ៌ខៀវស្រងាត់ដូចទៅនឹងទេសភាពធម្មជាតិ។ ចំណែកឯបុគ្គលិកបានផ្តល់ភាពកក់ក្តៅទៅកាន់អតិថិជនដោយស្នាមញញឹមរាក់ទាក់ និងសេវាកម្មដ៏ល្អបំផុត ។

ហាង Cafe Amazon មាន 2 សាខា សម្រាប់សាខាទី1 មានទីតាំងស្ថិតនៅតាមបណ្តោយផ្លូវលេខ31 ភូមិត្រពាំងធំ ឃុំត្រពាំងធំ ស្រុកទឹកឈូ ខេត្តកំពត (គេហៅថាផ្លូវភូមិតាអេង ឬផ្លូវទៅកែប) ហើយសាខាទី2 មានទីតាំងស្ថិតនៅតាមបណ្តោយផ្លូវជាតិលេខ 3 ពីខាងលិចផ្សារសាមគ្គីខេត្តកំពត ប្រមាណ250ម៉ែត្រ។

អត្ថបទដោយ៖ ឡុង ថុនី