ផែគ្រឿងសមុទ្រកំពង់កណ្តាល

អំពី

តម្លៃ

ទំនាក់ទំនង

ចំណុចសំខាន់

រូបភាព

02/10/2020

ផែគ្រឿងសមុទ្រកំពង់កណ្តាល គឺជាកន្លែងដែលប្រមូលផ្តុំទៅដោយគ្រឿងសមុទ្រស្រស់ៗរួមមានក្តាមសេះ ក្តាមថ្ម បង្គា បង្កង មឹកហួយសាយ មឹកស្នូក មឹកយក្ស និងគ្រឿងសមុទ្រជាច្រើនមុខទៀតដែលទើបនឹងលើកពីទូកនេសាទផ្ទាល់តែម្តង។ ជាពិសេសគឺក្តាមសេះមានសាច់ណែនល្អ បើក្តាមថ្មវិញមានពងណែនៗ សាច់ក្តាមមានជាតិស្រស់ផ្អែមឆ្ងាញ់តែម្តង។

ក្រៅពីគ្រឿងសមុទ្រ នៅទីនេះក៏មានលក់អាហារពេលព្រឹកដ៏សម្បូរបែប មាននំចំណី និងបន្លែផ្លែឈើផងដែរ។ ទីតាំងផែគ្រឿងសមុទ្រនេះស្ថិតនៅផែកំពង់កណ្តាល សង្កាត់កំពង់កណ្តាល ក្រុងកំពត ខេត្តកំពត ចម្ងាយប្រហែល ២០០ម៉ែត្រពីរូបសំណាក់ព្រះបាទអង្គឌួង។

ប្រាកដណាស់បងប្អូនភ្ញៀវទេសចរដែលបានអញ្ជើញមកកម្សាន្តក្នុងខេត្តកំពតច្បាស់ជាចង់ទិញនូវគ្រឿងសមុទ្រស្រស់ៗហើយល្អ មានអនាម័យ ជាពិសេសមានតម្លៃសមរម្យទៀត ដូច្នេះបងប្អូនអាចធ្វើការកុម្ម៉ង់គ្រឿងសមុទ្រស្រស់ក៏បាន ឬកុម្ម៉ង់ហើយឲ្យគេចំអិនស្រាប់ទៀតក៏បាន។ ម្យ៉ាងវិញទៀតនៅទីនេះក៏មានបោះដុំ និងលក់រាយគ្រឿងសមុទ្រដែលមានតម្លៃទាបជាងទីផ្សារទៀតផង។