8.5K នំបញ្ចុកទឹកម្ហិចប្រចាំខេត្ត
ភ្ញៀវទេសចរមិនថាជិត រឺ ឆ្ងាយសុទ្ធតែស្គាល់ហើយនំបញ្ចុកទឹកម្ហិចប្រចាំខេត្តកំពតដែលមានរសជាតិឆ្ងាញ់ ញ៉ាំមិនចេះធុញ។ ឃើញទឹកថ្លាៗអ៊ីចឹងទេ តែកុំនិយាយពីរសជាតិ ម៉ាអេម! ព្រោះនំបញ្ចុកគឺធ្វើថ្មីៗឡើងទន់ល្មើយ ញ៉ាំជាមួយទឹកនំដ៏មានជាតិហើយហិលតិចៗទៀតគឺក្តីសុខណាស់។ មិនត្រឹមតែប៉ុណ្ណេាះ នៅមាននំកងដែលធ្វើថ្មីៗដ៏ឆ្ងាញ់ពិសាថែមទៀតផង។
ទីតាំងស្ថិតនៅផ្លូវចូលវត្តព្រៃតុម្ព(តូបចុងក្រោយគេ) ក្នុងភូមិព្រៃតុម្ព ឃុំព្រៃឃ្មុំ ស្រុកទឹកឈូ ខេត្តកំពត បើកលក់ចាប់ពីម៉ោង ៣ៈ៣០រសៀល។ យើងអាចធ្វើដំណើរតាមបណ្តោយផ្លូវជាតិលេខ ៣ (ទិសដៅភ្នំពេញមកកំពត) បត់ចូលតាមខ្លោងទ្វាវត្តព្រៃតុម្ពដែលស្ថិតនៅខាងឆ្វេងដៃប្រហែល ១គីឡូម៉ែត្រ រួចបត់ស្តាំ នោះអ្នកនឹងបានមកដល់ទីតាំងតែម្តង។
អត្ថបទដោយ៖ ឡុង ថុនី
នំបញ្ចុកទឹកម្ហិច
១ចាន
$1.00
នំកង
១ចាន មាននំ ១០គូ
$1.50
