10.8K ជិះទូកមើលអំពិលអំពែក
ការជិះទូកមើលទេសភាពថ្ងៃរៀបលិច និងមើលសត្វអំពិលអំពែកនៅដងព្រែកកំពត គឺជាសកម្មភាពដ៏ពេញនិយមបំផុតមិនថាអ្នកក្នុងខេត្តកំពតផ្ទាល់ ឬភ្ញៀវទេសចរជាតិ អន្តរជាតិឡើយ គឺកម្ររំលងណាស់ ព្រោះមិននៅឯណាឆ្ងាយទេ គឺស្ថិតនៅដងព្រែកកំពតក្នុងក្រុងកំពតតែម្ដង។
ភ្ញៀវទេសចរនឹងមានអារម្មណ៍ស្រស់ស្រាយ ភ្លេចអស់ទុក្ខកង្វល់ ជាពិសេសបានទស្សនាទេសភាពតាមដងព្រែកនៃក្រុងកំពត និងឆ្លងកាត់ក្រោមស្ពានទាំង ៣ របស់ខេត្តកំពត មានស្ពានឥន្ធនូ (ស្ពានចាស់) ស្ពានកំពង់បាយ (ស្ពានថ្មី) និងស្ពានរថភ្លើង (ស្ពានដែក) ។
យើងត្រូវចំណាយរយៈពេលប្រមាណ ២ ម៉ោង ដើម្បីសាកល្បងនូវសកម្មភាពមួយនេះ។ នៅលើទូក ភ្ញៀវក៏អាចធ្វើការកុម្ម៉ង់ម្ហូបអាហារ និងភេសជ្ជៈសម្រាប់ទទួលទានផងដែរ។
ដើម្បីភាពងាយស្រួល ភ្ញៀវទេសចរអាចធ្វើការកក់សំបុត្រទូកតាមរយៈក្រុមការងារ Visit Kampot បាន។ ក្រៅពីនេះ យើងខ្ញុំក៏មានមគ្គទេសក៍ទេសចរណ៍ដើម្បីដឹកនាំដំណើរកម្សាន្តតាមទូកមើលអំពិលអំពែកផងដែរ។
សំបុត្រម្នាក់
$2.50
