ការជិះទូកកៃយ៉ាក គឺជាសកម្មភាពកម្សាន្តដ៏ពេញនិយមមួយនៅក្នុងខេត្តកំពតសម្រាប់ភ្ញៀវជាតិ ភ្ញៀវអន្តរជាតិ និងប្រជាជនក្នុងតំបន់នេះផ្ទាល់តែម្តង។​ 

តាមរយៈការជិះទូកកៃយ៉ាក  ភ្ញៀវទេសចរនឹងបានស្រូបយកខ្យល់អាកាសដ៏បរិសុទ្ធ គយគន់សម្រស់ធម្មជាតិនៃព្រៃចាកដ៏ខៀវស្រងាត់ដែលដុះនៅអមសងខាងមាត់ព្រែកបង្កើតបានជាទេសភាពដ៏ស្រស់ត្រកាលធ្វើអោយរសាត់បាត់អស់ទុក្ខកង្វល់ទាំងពួង។ 

សម្រាប់ការជិះទូកកៃយ៉ាកនេះ ភ្ញៀវទេសចរអាចស្វែងរកបាននៅស្ទើរតែគ្រប់រមណីយដ្ឋានទាំងអស់ ដែលនៅតាមដងព្រែកនៃខេត្តកំពត​ ដែលជាទូទៅមានទូកពីរប្រភេទដែលអ្នកអាចជ្រើសរើសបាន គឺទូកសម្រាប់គ្នាពីរនាក់ និងទូកសម្រាប់ជិះម្នាក់ឯង។ 

ជាមួយគ្នានេះផងដែរ យើងខ្ញុំក៏មានសេវាកម្មដឹកនាំដំណើរកម្សាន្តជិះទូកកៃយ៉ាកតាមដងព្រែក ជាមួយនឹងមគ្គទេសក៍ទេសចរណ៍ដ៏មានជំនាញនៅកំពតផ្ទាល់។ 

អត្ថបទដោយ៖ លឹម មោលីណាកា