ក្លឹបបាល់ទាត់បូកគោ ជាក្រុមមួយដែលបានបង្កើតឡើងនៅពាក់កណ្តាលឆ្នាំ២០២០។ ដំបូងឡើយជាក្រុមបាល់ទាត់លេងបែកញើសធម្មតា ដោយមានឈ្មោះដើមថា ក្រុមបាល់ទាត់សាលាក្រុងបូកគោ ហើយបានលេងបង្កើតមិត្តភាពអស់រយៈពេលជាងកន្លះឆ្នាំ ដោយមើលឃើញថា ក្មេងមួយចំនួនធំមិនមានឱកាសក្នុងការបង្ហាញសមត្ថភាព ហើយក្មេងមួយចំនួនទៀតនៅជាយក្រុង ឬតាមស្រុក ដែលគ្មានឱកាសបានប្រកួតប្រជែង រហូតដល់ដើមឆ្នាំ២០២២ ក្រុមបាល់ទាត់បូកគោក៏បានរៀបចំជារចនាសម្ព័ន្ធក្រុម ចាប់ផ្តើមជ្រើសរើសកីឡាករចូលក្រុម ក្រុមការងារ គ្រូបង្វឹក គ្រូជំនួយ និងមន្ត្រីពេទ្យ។ 

នៅថ្ងៃទី១៤ ខែកុម្ភៈ ឆ្នាំ២០២២ ក៏បានប្តូរឈ្មោះទៅជា «ក្លឹបបាល់ទាត់បូកគោ» រហូតដល់សព្វថ្ងៃ ដែលមានរចនាសម្ព័ន្ធដូចបានជម្រាបជូន។ ក្លឹបបាល់ទាត់បូកគោ មានមូលដ្ឋាននៅក្នុងក្រុងកំពតនៃខេត្តកំពត។

  
រហូតមកដល់ពេលនេះទើបតែចូលរួមប្រកួតក្នុងពានរង្វាន់លើកទី១ ជាពានប្រចាំខេត្តកំពត បានទទួលជោគជ័យនឹកស្មានមិនដល់។ ទាំងអស់នេះគឺ កើតចេញពីការខិតខំប្រឹងប្រែង ហ្វឹកហាត់បច្ចេកទេស និងកាយសម្បទារ។ 

សង្ឃឹមថាថ្នាក់ដឹកនាំក្រុមបាល់ទាត់បូកគោនឹងខិតខំប្រឹងប្រែងហ្វឹកហាត់ និងបណ្តុះកីឡាករបន្ថែមទៀតដើម្បីជោគជ័យនៅពានរង្វាន់ក្រោយៗទៀត និងជាផ្នែកមួយជួយលើកកម្ពស់វិស័យបាល់ទាត់ក្នុងខេត្តកំពតអោយកាន់តែរីកចម្រើនថែមទៀត។ 

អត្ថបទ៖ ឡេះ ហ្វើត