អាហារដ្ឋានភ្នំខៀវ

អំពី

ទំនាក់ទំនង

ចំណុចសំខាន់

រូបភាព

23/08/2022

អាហារដ្ឋាន ភ្នំខៀវ ជាអាហារដ្ឋានដ៏វ័យចំណាស់មួយកន្លែងមានទីតាំងស្ថិតនៅខាងត្បូងរង្វង់មូលទុរេន ក្នុងក្រុងកំពត។ ហាងនេះបានបើកដំណើរការអស់រយៈពេលជាង ២០ឆ្នាំមកហើយ ព្រមទាំងទទួលបានការគាំទ្រយ៉ាងខ្លាំងពីសំណាក់ភ្ញៀវទេសចរទាំងក្នុងស្រុក និងក្រៅស្រុក ដោយសារតែទីនេះមានបម្រើសេវាកម្មម្ហូបអាហារមានរសជាតិឈ្ងុយឆ្ងាញ់ មានម្ហូបច្រើនមុខស្របតាមចំណូលចិត្តរបស់ភ្ញៀវ ជាពិសេសមានទាំងជាអាហារពេលព្រឹក ពេលថ្ងៃត្រង់ និងពេលល្ងាចថែមទៀតផង។

ក្រៅពីនេះ អាហារដ្ឋាន ភ្នំខៀវ ក៏មានលក់នូវកាហ្វេ និងភេសជ្ជៈជាច្រើនមុខផងដែរ។ រីឯកន្លែងអង្គុយវិញមានសភាពធំទូលាយ អាចទទួលភ្ញៀវបានច្រើន សេវាកម្មល្អ មានអនាម័យ ជាពិសេសខាងអាហារដ្ឋានក៏មានសេវាកម្មទទួលរៀបចំម្ហូបអាហារ និងភេសជ្ជៈសម្រាប់ផ្គត់ផ្គង់ក្នុងកម្មពិធីជួបជុំផ្សេងៗតាមតម្រូវការ។

អត្ថបទ៖ ឡុង ថុនី

រូបភាព៖ អាហារដ្នាន ភ្នំ ខៀវ