Silence Coffee

សង្កាត់កំពង់កណ្ដាល ក្រុងកំពត ខេត្តកំពត

អំពី

ម៉ឺនុយ

ទំនាក់ទំនង

ចំណុចសំខាន់

រូបភាព

20/09/2023

កែច្នៃចេញពីផ្ទះចាស់ក្លាយជាហាងកាហ្វេដ៏ស្រស់ស្អាតមួយ

Silence Coffee ជាហាងកាហ្វេមួយកន្លែងក្នុងក្រុងកំពតដែលត្រូវបានកែច្នៃចេញពីផ្ទះចាស់ ប្រែក្លាយជាហាងកាហ្វេដ៏ស្រស់ស្អាតមួយ។ ពេលបានមកដល់បរិវេណខាងក្នុង យើងនឹងមានអារម្មណ៍កក់ក្តៅដូចនៅផ្ទះរបស់ខ្លួនឯងអញ្ចឹង!

ហាងកាហ្វេនេះមាន ២ជាន់។ ជាន់ក្រោមមានបរិយាកាសស្ងប់ស្ងាត់ល្អ សម្បូរដោយរុក្ខជាតិបៃតងតូចធំ និងមានកន្លែងអង្គុយជាលក្ខណៈ Indoor និង Outdoor។

រីឯជាន់លើវិញ មានកន្លែងអង្គុយដែលតុបតែងឡើងពីឈើ ជាពិសេសមានរានហាលខាងមុខ បែរទៅកាន់មាត់ព្រែកកំពត ធ្វើអោយយើងអាចគយគន់ទេសភាពទឹកព្រែក ភ្នំ ដងផ្លូវ និងទិដ្ឋភាពនៅតំបន់នេះផងដែរ។

នៅ Silence Coffee មានលក់ភេសជ្ជៈជាច្រើនមុខ ជាពិសេសកាហ្វេនៅទីនេះមានក្លិនឈ្ងុយ រសជាតិឆ្ងាញ់ អ្នកចូលចិត្តកាហ្វេគួរតែសាកល្បង។ ទីតាំងស្ថិតនៅទល់មុខរង្វង់មូលត្រីផ្សោត ផ្លូវមាត់ព្រែកកំពត ចម្ងាយពីរង្វង់មូលទុរេនប្រហែល 1.3 គីឡូម៉ែត្រ បើកចាប់ពីម៉ោង 7:00ព្រឹកដល់ម៉ោង 7:00យប់។

អត្ថបទដោយ៖ ដែង សុជាតា