ក្រៅពីតំបន់ទេសចរណ៍ដ៏សម្បូរបែប ខេត្តកំពតនៅមានល្អាងភ្នំជាច្រើនកន្លែងទៀតដែលភ្ញៀវទេសចរគួរតែទស្សនា។ ល្អាងភ្នំដ៏គួរអោយចាប់អារម្មណ៍ទាំងនោះរួមមានដូចជា ល្អាងភ្នំកំពង់ត្រាច ល្អាងភ្នំឈ្ងោក ល្អាងភ្នំទឹក ប្រាសាទភ្នំខ្យង ភ្នំសសៀរ ភ្នំក្បាលរមាស និងភ្នំទទុងជាដើម។

តំបន់ទាំងនោះសុទ្ធសឹងតែជាទីតាំងដែលជាប់ទាក់ទងនឹងប្រវត្តិសាស្រ្ត វប្បធម៌ អរិយធម៌ សាសនា និងជំនឿរបស់មនុស្សជំនាន់មុន។ ពេលចូលដល់ក្នុងល្អាង ភ្ញៀវទេសចរនឹងបានទស្សនាទស្សនីយភាពដ៏អស្ចារ្យ ជាពិសេសល្អាងខ្លះមានប្រាសាទបុរាណ និងមានស្លាកស្នាមដែលបន្សល់ទុកពីមនុស្សនៅសម័យបុរេប្រវត្តិផងដែរ។ 

បច្ចុប្បន្ន ល្អាងភ្នំមួយចំនួនត្រូវបានគេអនុញ្ញាតអោយភ្ញៀវទេសចរចូលទស្សនាដោយសេរី។ យើងខ្ញុំក៏មានសេវាកម្មដឹកនាំដំណើរកម្សាន្តដោយមគ្គទេសក៍ទេសចរណ៍ដ៏មានជំនាញ និងបទពិសោធន៍ អាចនាំផ្លូវភ្ញៀវទេសចរ និងរៀបរាប់ពីប្រវត្តិសាស្រ្តអំពីល្អាងនីមួយៗផងដែរ។ 

អត្ថបទដោយ៖ ដែង សុជាតា